CRC akanama Nkemurampaka ka AERG ICK kasoje kumugaragaro imirimo yako

CRC akanama Nkemurampaka ka AERG ICK kasoje kumugaragaro imirimo yako. 

Kuri iki cyumweru tariki ya 26/02/2017 ahagana mu ma saa 16h:34 nibwo akanama nkumurampaka ka AERG ICK kasoje imirimo yako irimo gukurikirana amategeko agenga umuryango n'iyubahirizwa ryayo, kuvugurura no gushyiraho amahame ngenderwaho aranga umunyamuryango wa AERG ICK, gutegura no guhagararira amatora ayo ariyo yose mu muryango n'ibindi bitandukanye. 

CRC 2015-2016 ya AERG-ICK Mbere yuko bava mushingano bagombaga gutegura abandi bazabasimbura. Maze mu myiteguro n'ubushishozi bwabo, bayoboye igikorwa cy'amatora kuva atangiye kugeza asojwe maze hatorwa aba bakurikira:

President CRC:

MUSONI Albert

VIS PRESIDENT. CRC:

UWIRAGIYE Theogene

SECRETARY CRC:

INGABIRE Anastasie

2 ADVISERS CRC

MUSABYIMANA Eric

UWIZEYIMANA Rachel 

Bahise barahirira inshingano binjiyemo kumugaragaro 

Iyi commite yagiye munshingano mu mwaka wa 2016_2017 kuwa 26/2/2017 nyuma yo kwakira indahiro zabo imbere y'inteko itora, Bakinjira mushingano

Uzi aho byavuye kuvuga ngo umuntu “Yaguye Ivutu/i Vutu”?

“Yaguye ivutu” ni umugani baca babonye umuntu waguwe nabi n’ibyo yariye cyangwa se byamwishe buhambe; ni bwo bavuga ngo “Naka yaguye ivutu”. Wakomotse ku mugabo Rwahura rwa Magenda wo mu lceni mu Bungwe (Butare), ahagana mu mwaka wa 1500.
Umwami Ndahiro Cyamatare amaze kwicwa n’Abakongoro bamutsinze i Rubi rw’i Nyundo ho mu Bugamba mu Cyingogo (Gisenyi), abanyamaboko bose bigabagabanyije u Rwanda; Abasinga biha i Nduga n’igice kinini cy’Inkiga, Ababanda bigarurira Nyaruguru na Mvejuru n’u Bungwe.
Mu Bungwe hagatwarwa n’umugabo Rwahura rwa Magenda, yari atuye mw’Iceni hegereye ibisi bya Huye, akaba umugaragu wa Cyamatare w’icyegera.

Rubanda rero bamaze kwigarurira ayo mahugu, u Bungwe barabumunyaga kuko yari umusindi nka Cyamatare. Baramufata baramuboha, baramucukura (basaka umutungo we); Amatungo ye yose barayatwara, asigara ari umutindi nyakujya. Ubwo atangira gufata isuka arahinga, ariko abanzi be bamugirira ishyari; bajya kumurega kuri Ntampuhwe wari wigaruriye u Bungwe bavuga ko amurogesha; bati “Nta bwo asiba kujya i Burwi kukurogesha”.

Ntampuhwe yohereza abajya kumufata. Inshuti ze zari aho zibatanga iwe ziramuburira. Ahera ko afubaganya aracika; acikira ku nshuti ye yitwaga Musana yari ituye i Giseke na Nyagisenyi mu Busanza. Agezeyo amutekerereza amakuba arimo. Musana abyumvise agira ubwoba, aramubwira ati “Wabuze gucikira i Burundi, none ucikiye mu Rwanda rwagati !” Ati “Ejo se bakumbonanye ntitwapfana!” Aramushwishuriza, ati “Reba ahandi wagana jye sinashobora kugutungira aha.”
Rwahura abura uko abigenza. Bumaze kwira aragenda asesera mu bihuru araramo. Abimazemo kabiri inzara n’inyota biramurembya. Noneho yigira inama yo kujya i Gacu na Rwabicuma kwa mushiki we wari uhari. Aragenda agerayo mu rutaha rw’inka. Muramu we amukubise amaso kandi azi ko bamuhiga aramwamagana, ati “Ntungerere mu rugo ntawe upfa ngo undi yapfuye!”
Rwahura arashoberwa acaho aragenda, nanone arara mu bihuru buracya. Inzara imaze kumurembya ahengera bugorobye aradogagira ajya i Bunyambilili, kwa Rugaragara munywanyi we wari utuye ku murenge witwa Vutu. Akigerayo isari iramusabayanza yikubita hasi; Bahuta bamufungurira ararya arahaga ariko ubuhage bumutera kugwa ubukengeri ku mpamvu y’umukoroza; arirenga arapfa amazimwe ashirira aho.
Naho uko yagacitse, Ntampuhwe agumiriza gushakisha aho aherereye baramubura. Bukeye umugabo wo mu Bungwe ajya i Bunyambilili kugura itabi. Agezeyo amenya ko Rwahura yapfuye yishwe n’ubukengeri bw’ibiryo ataherukaga. Asubira iwabo kubimenyesha Ntampuhwe, kugira ngo boye gukomeza kurushywa n’ubusa ngo baramushaka.
Ati “Ntimuzongere kwirushya mushakashaka Rwahura ukundi yaguye i Vutu mu Bunyambilili yishwe n’ibiryo kwa munywanyi we Rugaragara bamuramije.”

ITANGAZO rigenewe abanyamuryango ba AERG-ICK

ASSOCIATION DES ETUDIANTS ET ELEVES RESCAPES DU GENOCIDE

SECTION DE L’INSTITUT CATHOLIQUE DE KABGAYI (AERG/ICK)

E- mail : aerg_uck@yahoo.fr  Tel : 07 83013604, 07 88574985

                                                  ITANGAZO

UMURYANGO AERG ICK URAMENYESHA ABANYAMURYANGO BAWO KO KURI UYU GATANDATU TARIKI YA 25/02/2017 GUHERA ISAA 14H:00  ZAMANYWA HARI IMIKINO MPUZAMAFAMIYE (INTER-FAMMILY) IYI MIKINO IZABERA KU BIBUGA BIKURIKIRA SAINT LEO NO KURI MALALIYA, NTIMUZABURE CYANGWA NGO MUKERERWE.

TUBIFURIJE INSINZI KURI MWESE!

                        

Umuyobozi ufite imikino n’ munshingano

                                                           AERG/ICK

                                                    NIYONSABA Janvier

Ibisabwa umukobwa ushaka guhatanira Miss Rwanda 2017

Biragoye muri iyi minsi kumenya muri 15 batowe uzavamo ari uwambere kugirango yegukane iri kamba rya nyampinga w'u rwanda rya 2017 gusa nubwo bitorosshye kurundi ruhande byoroheye uwujuje ibisabwa imbere y'inteko itora ba nyampinga (judges)
amamara.blogspot.com yagukusanyirije ibisabwa umukobwa wese uri mu irushanwa gusa icyo twakubwira kuri aya marushanwa ni uko:

Irushanwa ryo gushakisha Nyampinga w’u Rwanda umwaka wa 2017 ryatangijwe ku mugaragaro hanashyirwaho ibisabwa ku bifuza guhatana, amajonjora yatangiriye i Rubavu kuwa 14 Mutarama 2017.

Rwanda Inspiration Back Up itegura irushanwa rya Nyampinga w’u Rwanda ntiyatangaje umushahara uzatsinda agomba kuzajya agenerwa mu gihe Mutesi Jolly yahabwaga amafaranga 800,000 buri kwezi mu gihe cy’umwaka wose.
Ishimwe Dieudonné ni Umuyobozi wa Rwanda Inspiration Back up yabwiye ibinyamakuru harimo na amamara.blogspot.com ko iri rushanwa rigiye kuba uyu mwaka rizagaragaramo impinduka nziza zikomeye haba mu buryo bwo gutoranya abakobwa mu ntara enye n’Umujyi wa Kigali no mu buryo bwo gutanga ibihembo.
Ishimwe Dieudonné yavuze ko Nyampinga uzatorwa muri 2017 agomba kuzahita aboneka ku rutonde rw’abakobwa bazemererwa guhatanira ikamba rya Miss World 2017.
Miss Mutesi Jolly ufite ikamba rya Nyampinga w’u Rwanda ni we woherejwe guhagararira igihugu bwa mbere muri Miss World iherutse gusozwa i Washington mu Ukuboza 2016.
Ubuyobozi bwa Rwanda Inspiration Backup bwatangaje ko uhereye umwaka wa 2017 buri Nyampinga uzajya utorwa agomba kuzajya ahagararira igihugu muri Miss World mu myaka yose isigaye.
Abakobwa batangiye kwiyandikisha binyuze ku rubuga rwa Miss Rwanda, ahashyizwe ibisabwa kugira ngo wemererwe kwinjira mu irushanwa.
Ibigenderwaho kugira ngo umukobwa yemererwe kujya mu ijonjora:
1. Kuba ari Umunyarwandakazi
2. Kuba afite hagati y’imyaka 18-24
3. Kuba yararangije amashuri yisumbuye
4. Kuba avuga neza Ikinyarwanda n’urundi rurimi, hagati y’Icyongereza, Igifaransa n’Igiswahili
5. Kuba afite indeshyo ya sentimetero 170 kuzamura
6. Kuba apima ibiro hagati ya 45-70
7. Kuba atari yabyara
8. Kuba yiteguye kumara byibuze umwaka atuye mu Rwanda, igihe yatsinze
9. Kuba atiteguye gukora ubukwe mu gihe cy’umwaka yambaye ikamba
10. Kuba yiteguye guhagararira u Rwanda mu gihe bikenewe
11. Kuba yiteguye gukurikiza amategeko n’amabwiriza asanzwe agenga Nyampinga w’u Rwanda.
Ijonjora ry’abakobwa rizabera mu Ntara enye n’Umujyi wa Kigali hatoranywe 25 bazabonekamo 15 bazakora umwiherero mbere yo gutangaza Nyampinga w’u Rwanda. Irushanwa rizatangirira mu Mujyi wa Rubavu kuwa 14 Mutarama 2017 rizasozwe kuwa 25 Gashyantare 2017 mu birori bizabera kuri Expo Ground.

Umukobwa uzatorwa azasimbura Mutesi Jolly (photo amamara)

 ikindi kandi twakubwira nuko Miss Rwanda y’uyu mwaka irimo impinduka ndetse n’ikirango cyarahinduwe, icy’umwaka ushize cyateje impagarara kubera uburyo cyari gishushanyije gusa byabaje agatereranzamba ubwo uwari wagikoze yagihagarikaga akanaca Rwanda Inspiration Back Up miliyoni n’ibihumbi ijana.
Ikirango cy’umwaka ushize cyateje ibibazo bikomeye cyane, hari abazanye ibimenyetso bigaragaza ko uwagikoze yateruye icya Miss Ghana ariko na we akiregura avuga ko ‘hari igihe abashushanyi bahuza umukono’. 
Iki kirango cyahawe amanota ko kirusha ubwiza icy'umwakawahize

ushizeggg